Հուլիսի 23-ին, ժամը 21:12-ին տեղեկություն է ստացվել, որ Կոտայքի մարզի Գետարգել գյուղի Ա.Ալեքսանյան փողոցում՝ գյուղապետարանի մոտակայքում, ծառը քամուց պոկվել եւ ընկել է էլ. լարերի ու գազատար խողովակի վրա. մասնատելու համար անհրաժեշտ է փրկարարների օգնությունը:
Դեպքի վայր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Փրկարարները մասնատել են մոտ 5 մ երկարությամբ ծառ:
***
Հուլիսի 23-ին, ժամը 20:43-ին ահազանգ է ստացվել, որ Երեւան քաղաքի Եղվարդի խճուղու 3-րդ կիրճի 1-ին շինությունում գտնվող զվարճանքի համալիրի մոտակայքում ծառը թեքվել է ավտոճանապարհի երթեւեկելի հատված. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները ծառի վտանգավոր հատվածը մասնատել եւ տեղափոխել են անվտանգ տարածք (մյուս հատվածը հեռացնելու համար անհրաժեշտ է հատուկ տեխնիկա), իսկ ավտոճանապարհի վտանգավոր հատվածը՝ սահմանազատել:
