2017 թվականի առաջին կիսամյակում Հայաստանում 6069 արտակարգ դեպք է գրանցվել: Հուլիսի 24-ին լրագրողների հետ հանդիպմանն այս մասին հայտնեց ՀՀ ԱԻ նախարարության Ճգնաժամային կառավարման ազգային կենտրոնի ղեկավար Հովհաննես Խանգելդյանը:
Նրա խոսքով՝ արտակարգ պատահարների թիվը հանրապետությունում ավելացել է 867-ով կամ 16.7%-ով:
«Արտակարգ դեպքերից 3534-ը տեխնածին բնույթ է կրել: 110 մարդ է զոհվել, 2261-ը՝ տուժել: Արտակարգ պատահարների մեծ մասը ճանապարհատրանսպորտային պատահարներ են, հրդեհներ եւ թունավորումներ»,- նշեց Խանգելդյանը: