Հուլիսի 21-ին, ժամը 22.30-ին, ոստիկանության Նոր Նորքի բաժնում 64-ամյա Աիդա Մ.-ն դիմում է ներկայացրել, որ հուլիսի 21-ին, ժամը 20.45-ին, Նոր Նորքի 1-ին զանգվածում անհայտ պայմաններում կորցրել է դրամապանակը, որի մեջ եղել է նույնականացման քարտը եւ 4 բանկային քարտեր:
Ոստիկանության մամուլի ծառայությունից NEWS.am-ին հայտնում են, որ ոստիկանության Երեւան քաղաքի վարչության գրպանահատության դեմ պայքարի բաժանմունքի եւ Նոր Նորքի բաժնի ծառայողների օպերատիվ-հետախուզական միջոցառումների շնորհիվ, հուլիսի 22-ին, ժամը 11.20-ին, Երեւանի Խանջյան փողոցի թիվ 49 հասցեի մոտից բաժին բերման է ենթարկվել 29-ամյա Գոռ Պ.-ն:
Նրա խուզարկությամբ հայտնաբերվել է Աիդա Մ.-ի դրամապանակը` գումար, նույնականացման քարտ, բանկային քարտեր, տարբեր խանութների զեղչերի քարտեր:
Կատարվում է հետաքննություն: