Հայաստանում պտղի սեռով պայմանավորված աբորտների դեպքում խոսքն ազգային անվտանգության խնդրի մասին է: Հուլիսի 24-ին լրագրողների հետ հանդիպմանն այս մասին հայտարարեց «Մարդկային զարգացման միջազգային կենտրոն» հասարակական կազմակերպության գործադիր տնօրեն Արմեն Գալստյանը:
Սակայն, ըստ նրա, վերջին շրջանում իրավիճակը հանրապետությունում դրականորեն փոխվել է. հաջողվել է հասարակության ընկալման մեջ փոփոխությունների հասնել:
«Չնայած հիմա էլ, եթե քաղաքացիներին հարցնեք երեխայի սեռի նախընտրության մասին, առաջին պատասխանը կլինի՝ «Մեզ զինվորներ են պետք»: Բայց չէ՞ որ այդ զինվորներին մայրեր են պետք»,- նշեց Գալստյանը: