News
Լրահոս
News
Երեքշաբթի
Մարտ 19
Տեսնել լրահոսը

Գյուղացիների եկամուտների մեծացման համար գլխավոր խնդիրներից մեկը ոռոգման ջրի առավել խնայողական օգտագործումն է: Այս մասին NEWS.am-ի հետ զրույցում ասաց USAID-ի «Ջրային պաշարների ներկայացուցչական եւ արդյունավետ օգտագործում» ծրագրի ղեկավար Արմեն Վարոսյանը:

Ծրագրի նպատակն է գյուղացիների դերի մեծացումը ջրօգտագործողների միություններում, որոնք են բաշխում ոռոգման ջուրը: Ավելի քան 10 տարի առաջ Համաշխարհային բանկի առաջարկով ոռոգման համակարգերը հանձնեցին գյուղացիների ինքնակառավարմանը (այստեղից է ջրօգտագործողների միություն անվանումը): Հայաստանում, սակայն, այս միությունները ձեւական դարձան, եւ դրանք ղեկավարում են տեղական «իշխանիկներն» ու նրանց մերձավորները:

Վարոսյանը նշեց, որ այս պատճառով նախ պետք է ուսումնասիրել, թե օրենսդրական դաշտը որքանով է համապատասխանում գյուղացիների շահերին եւ ջրամատակարարման կարիքներին: Այնուհետեւ պետք է ստուգել, թե գյուղացիների ձայնը որքանով է իսկապես հաշվի առնվում որոշումներ ընդունելիս:

Նշենք, որ Ջրային տնտեսության պետական կոմիտեն եւ Գյուղատնտեսության նախարարությունը մի քանի անգամ նշել են, որ գյուղացիներից շատերը ջրի դիմաց ամիսներով չեն վճարում: Սակայն, մյուս կողմից, պարտավորություններ ունեն նաեւ ոռոգող ընկերությունները: Օրինակ՝ գործող նորմերով գյուղացիները հայտը ներկայացնելուց հետո 3 օրվա ընթացքում ոռոգման ջրի իրավունք ունեն:

«Մենք ցանկանում ենք այս եւ այլ հարցերը քննարկել ե՛ւ ջրօգտագործողների միությունների, ե՛ւ գյուղացիների, ե՛ւ տեղական իշխանությունների, ե՛ւ ՀԿ-ների մասնակցությամբ: Մեզ համար գլխավորն այն է, որ գյուղացիներն իմանան՝ երբ ոռոգման ջրի իրավունք ունեն եւ ինչ պարտավորությունների հետ է դա կապված»,- պարզաբանեց Արմեն Վարոսյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՀ ԿԸՀ փոխնախագահն ու քարտուղարը դիտարկել են ԱՄՆ նախագահական նախնական ընտրությունները
ԱՄՆ Կալիֆորնիա նահանգի Լոս Անջելես վարչական շրջանի ընտրական մարմնի հրավերով ՀՀ ԿԸՀ փոխնախագահ Նունե Հովհաննիսյանն ու ԿԸՀ քարտուղար Արմեն...
Կարևորում ենք կանանց ներգրավվածությունը հակամարտությունների կանխարգելման բոլոր մակարդակներում. ՀՀ-ում ԱՄՆ դեսպան
Կանանց միջազգային օրվա կապակցությամբ դեսպան Քվինը կլոր-սեղան քննարկման...
ԱՄՆ պետդեպարտամենտը մեկնաբանել է Սերգեյ Լավրովի հայտարարությունը Հայաստանի մասին
Պետդեպարտամենտը մեկնաբանել է Լավրովի հայտարարությունը...
«Փաստ». Փիառային «դեսանտ» Լոս Անջելեսում
Նախատեսվում է, որ այս խումբը պետք է պատրաստի հարցազրույցների շարք, որտեղ, ըստ մեր աղբյուրի...
Վարչապետը 4 օրով 6 հոգանոց պատվիրակություն է գործուղում ԱՄՆ. Այն կգլխավորի էկոնոմիկայի փոխնախարարը
Համաձայն «Կառավարության կառուցվածքի և գործունեության մասին» Հայաստանի…
Լիլիթ Մակունցը սենատոր Ջեք Րիդի հետ քննարկել է ՀՀ-ԱՄՆ հարաբերությունների հետագա խորացմանն ուղղված հնարավոր քայլերը
Սենատորը վերահաստատել է, որ շարունակելու է Հայաստանին աջակցության...
Ամենաշատ