Ադրբեջանի Բարդինի շրջանում դաժան սպանություն է կատարվել: Գաջալի գյուղի բնակիչ, 1968 թվականին ծնված Սադայ Ալիեւը ընտանեկան վեճի ժամանակ կնոջը՝ 1973 թվականի ծնված Գյուլբենիզ Ալիեւային կռանով ծեծելով սպանել է: Դրանից հետո Ս. Ալիեւը, որը ծանր վնասվածքներ էր պատճառել նաեւ իր 2 երեխաներին, ինքնասպան է եղել:
Երեխաները՝ 18-ամյա Մալեյկա Ալիեւան եւ 14-ամյա Մուրադ Ալիեւը, հիվանդանոց են տեղափոխվել: Նրանց վիճակը ծանր է:
Փաստով հետաքննություն է կատարվում:
Գյուղի բնակիչների խոսքով՝ Ալիեւների ընտանիքում երբեք վեճեր, աղմուկ կամ բռնություն չի եղել:
«Նրա կինն իր զարմիկն էր: Ոչ մեկն անգամ չէր կարող պատկերացնել, որ նման բան կպատահի: Վերջին շրջանում, սակայն, Սադայը հոգեբուժական բուժում է ստացել: Այսօր նրանք պետք է Դաշքեսան ազգականների մոտ հանգստանալու գնային: Գիշերը նա սպանել է կնոջը եւ վիրավորել երեխաներին: Այնուհետեւ կախվել է: Ներկայումս երեխաները Գյանջայի հիվանդանոցում են»,- հայտնել է Ալիեւների մոտ հարեւան եւ ազգական Մութալիմ Նուրիեւը:
