Կառնուտի ջրամբարում այսօր՝ հուլիսի 24-ին, հայտնաբերված 36-ամյա Կարեն Գեւորգյանը Գյումրիի բնակիչ էր, սակայն, արդեն 5 տարի ընտանիքի հետ ապրում էր Կառնուտ գյուղում: Այս մասին այսօր՝ հուլիսի 24-ին, NEWS.am-ի հետ զրույցում ասաց Կառնուտի գյուղապետ Արծրունի Գաբոյանը: Նա նշեց, որ 36-ամյա տղամարդն ամուսնացած էր, ունի 4 անչափահաս երեխա: Թե ինչ հանգամանքներում է նա հայտնվել ջրամբարում՝ կպարզի քննությունը:
Ավելի վաղ տեղեկացրել էինք, այսօր՝ հուլիսի 24-ին, ժամը 00:17-ին տեղեկություն է ստացվել, որ 36-ամյա Կարեն Գեւորգյանը մեկնել է Շիրակի մարզի Կառնուտի ջրամբար եւ չի վերադարձել, նրա դին հայտնաբերվել է այսօր առավոտյան:
