ԵՄ-ն մտադիր է Թուրքիայի հետ շարունակել բարձր մակարդակի վրա երկխոսությունը՝ էներգետիկայի, միգրացիայի ու ահաբեկչության դեմ պայքարի հարցերի շուրջ՝ չնայած հարաբերություններում լարվածության աճին։ Այս մասին հայտնել է հարեւանության ու ընդլայնման բանակցությունների քաղաքականության հարցերով եվրահանձնակատար Յոհաննես Հանը, փոխանցում է ՌԻԱ Նովոստին։
Բրյուսելում երեքշաբթի անցնելու հերթական նիստը՝ ԵՄ-ի ու Թուրքիայի միջեւ բարձր մակարդակի վրա երկխոսության շրջանակում։ Դրան մասնակցելու է ԵՄ դիվանագիտության ղեկավար Ֆեդերիկա Մոգերինին, եվրահանձնակատար Հանը, Թուրքիայի ԱԳ նախարար Մեվլյութ Չավուշօղլուն ու Թուրքիայի ՝ ԵՄ հարցերով նախարար Օմեր Չելիկը։
«Մենք քննարկելու ենք տարբեր ոլորտներ, օրինակ խոսելու ենք էներգետիկայի, միգրացիայի, ահաբեկչության դեմ պայքարի ոլորտներում բարձր մակարդակի վրա հատուկ երկխոսության մասին, մենք կոչ ենք անելու շարունակել այն»,- ասել է Հանը լրագրողներին՝ ներկայացնելով բանակցությունների օրակարգը։
Նա նշել է, որ հանդիպման արդյունքներով «դիրքերը կարող են շարունակել տարբերվել, օրինակ իրավունքի գերակայության հարցերի շուրջ»։