Պաշտոնական Թեհրանը ողջունում է Եվրասիական տնտեսական միությանը Հայաստանի անդամակցությունը: Հուլիսի 24-ին լրագրողների հետ հանդիպմանն այս մասին հայտարարեց իրանագետ Արմեն Իսրայելյանը:
Փորձագետի խոսքով՝ Իրանը շահագրգռված է Հայաստանի միջոցով ԵՏՄ-ի անդամ երկրների հետ համագործակցությամբ: «Իրանը փորձում է առեւտրային կապեր հաստատել բոլոր ուղղություններով: Ցանկացած շուկա կարեւոր է Իրանի համար: Միաժամանակ զգալիորեն նվազել է իրանա-թուրքական տնտեսական կապերի ակտիվությունը»,- նշեց իրանագետը: