«Սասնա ծռեր» խմբի անդամ Արեգ Կյուրեղյանը հուլիսի 22-ին պատժախցից տեղափոխվել է խուց: Այս մասին այսօր՝ հուլիսի 24-ին, NEWS.am-ի հետ զրույցում ասաց նրա շահերի պաշտպան Մուշեղ Շուշանյանը: Նա նշեց, որ այդ օրը լրացել է Արեգի նկատմամբ նշված պատժի ժամկետը եւ նրան տեղափոխել են խուց:
Նշենք, որ Արեգ Կյուրեղյանին հուլիսի 12-ին էին տեղափոխել պատժախուց, երբ Երեւանի Ավան եւ Նոր Նորք վարչական շրջանների ընդհանուր իրավասության դատարան տեղափոխելուց առաջ նրա մոտ, ըստ ՔԿՎ հաղորդագրության, հայտնաբերվել էր ածելու սայր: