Microsoft կորպորացիան կջնջի Paint գրաֆիկական խմբագրի ծրագիրը  Windows 10 օպերացիոն համակարգից։ Այս մասին հայտնում են ընկերության կայքում, որը նվիրված է 207-ի վերջին թողարկվող Fall Creators Update-ում տեղի ունեցած փոփոխություններին, հայտնում է Lenta-ն։

ՕՀ նոր տարբերակի փոփոխությունների շարքում նշված է, որ Outlook Express, Reader, Microsoft Paint ու որոշ այլ հավելվածներ հայտնվել են «ջնջվածների կամ հնացածների» ցանկում։ Դա նշանակում է, որ ծրագրերը չեն գտնվում ակտիվ մշակման մեջ ու ջնջվելու են։  

Ընդ որում Windows 10-ի թարմացված տարբերակում՝ Creators Update-ում ընկերությունը ներկայացրել է Paint 3D։ Սակայն դա սովորական Paint-ի նոր տարբերակը չէ, այլ առանձին հավելված՝ 3D պատկերների հետ աշխատելու համար։