Գորիսում օրերս շենքի 4-րդ հարկից ընկած 4-ամյա փոքրիկին վիրահատելու անհրաժեշտություն չկա: Այս մասին այսօր՝ հուլիսի 24-ին, NEWS.am-ին հայտնեցին Երեւանի «Սուրբ Աստվածամայր» բժշկական կենտրոնից: 4-րդ հարկից ընկնելու հետեւանքով երեխան ստացել էր գլխի շրջանի վնասվածք, թոքերի սալջարդ եւ աջ երիկամի վնասվածք, սակայն, նրան վիրահատելու անհրաժեշտություն չի եղել, նա այժմ բավարար վիճակում է, Վերակենդանացման բաժանմունքից տեղափոխվել է հիվանդասենյակ:
Ավելի վաղ տեղեկացրել էինք, որ Գորիսում 4-ամյա փոքրիկն ընկել է շենքի 4-րդ հարկից, երբ տանը մենակ է եղել։
