Հուլիսի 16-ին, ժամը 21.30-ի սահմաններում, Երեւանի Ալեք Մանուկյան փողոցում, ոստիկանը նկատել է, որ մի քաղաքացի փախչում է, որին հետապնդում են մի քանի անչափահասներ, եւ բղավում՝ կանգնի'ր, այ գող:
Ոստիկանը եւս հետապնդել է փախչող տղամարդուն: «Երբ մեր հեռավորությունն արդեն 2 ետր էր, նա կանգնեց, շրջվեց, իսկ ձեռքին կար դանակ: Նա հետ-հետ քայլում էր ու ասում՝ մոտ չգաս, կխփեմ: Ես էլ հորդորում էի, որ դանակը վայր դնի: Այդ ընթացքում մի քաղաքացի նրա ուշադրությունը շեղեց, ինչն ինձ հնարավորություն տվեց, որ նրան վնասազերծեմ»,-պատմել է ոստիկան Սիմոն Պետրոսյանը:
Ոստիկանությունում պարզվել է, որ կասկածյալ Մարատ Լ.-ն Սայաթ Նովայի եւ Չարենցի փողոցների խաչմերուկում մի աղջկա է կողոպտել: Նրա մոտ հայտնաբերված պարանոցի ոսկյա շղթան ուղարկվել է փորձաքննության: