Ոստիկանության Արմավիրի բաժնում օպերատիվ տվյալներ էին ստացվել, որ հուլիսի 18-ին մի քանի երիտասարդներ Մեծամոր քաղաքում կատարելու էին բնակարանային գողություն: Ոստիակններին հայտնի էր նաեւ բնակարանի ստույգ հասցեն, անգամ ինչ մեքենաներով են  կասկածյալները գալու շենքի բակ:

Ոստիիկանները դարանակալում եմ կազմակերպել եւ սպասել կասկածյալներին:

«Երկու երիտասարդներ մեքենայից իջան, գլխարկներով, ձեռնոցներով եւ ճաղավանդակի վրայով մուտք գործեցին նշված բնակարան»,-պատմում է օպերլիազորներից մեկը:

Նրա խոսքով, բնակարանագողերի հետեւից իրենք մտել են բնակարան եւ գողություն կատարելու պահին բռնել նրանց: Ոստիկանության Արմավիրի բաժին բերման են ենթարկվել թե բնակարանում գտնվող երկու անձինք, թե դրսում սպասող եւս 7 մարդիկ:

Բնակարանի ներսում ոստիկանների բռնել են 28-ամյա Արտավազդ Ղ.-ին եւ 22-ամյա Խաժակ Ո.-ին:

Պարզվել է, որ նրանք նախապես ամեն բան ծրագրել էին, բացի մի բանից, որ ոստիկաններն իրենցից շուտ տեղում կլինեին:

Բացի այդ, պարզվել է, որ բնակարանային գողության մեջ կասկածվողներից մեկը՝ 28-ամյա Վռամ Շ.-ն հունիսի 29-ին կատարել է ավազակային հարձակում: Այդ օրը նա մի տարեց կնոջ է ծեծել, հափշտակել 100 հազար դրամ եւ ոսկե մատանի:

Նրանցից մյուսը՝ 25-ամյա Լեւոն Ս.-ի մոտից հայտնաբերվեց թմրանյութի նմանվող դեղնականաչավուն զանգված:

Կասկածյալների մեքենաներից հայտնաբերվել է ատրճանակ, փամփուշտներ, դռներ բացելու հարմարեցված գործիքներ, դիմակներ, ձեռնոցներ, կեղծ համարանիներ եւ այլն: