Վարորդին, որի բեռնատարում խեղղդվել են 10 ապօրինի միգրանտներ, կարող է մահապատիժ սպառնալ։ AP-ի փոխանցմամբ, ամերիկացի Ջեյմս Մեթյու Բրեդլին կմնա բանտում մինչեւ դատավարության ավարտը։ Նա ինքը դատական նիստի ընթացքում, երբ որոշվում էր խափանման միջոցը, ոչինչ չի ասել տեղի ունեցած միջադեպի մասին։
Տեղի իշխանությունների խոսքով, ձերբակալումից հետո Բրեդլին հայտնել է, որ ուղեւորվում էր Բրաունսվիլ, Թեքսաս ու չգիտեր, որ բեռնատարում մարդիկ կան, մինչեւ Սան Անտոնիոյում կանգ առնելը։ Ողջ մնացածներից մեկի խոսքով մարդիկ ստիպված են եղել հերթով շնչել բեռնատարի ներսում գտնվող անցքից։ Արդյունքում 10 մարդ խեղդվել է։