Երեւանում հուլիսի 24-ին ավտովթար-վրաերթ է տեղի ունեցել Երևանում:

Shamshyan.com-ը տեղեկացնում է, որ ժամը 16:45-ի սահմաններում Վիկտոր Համբարձումյան փողոցում՝ թիվ 18 շենքի դիմաց, բախվել են 35-ամյա Խաչատուր Գևորգյանի վարած BYD մակնիշի 34 FV 752 համարանիշի և 26-ամյա Ալբերտ Հայրապետյանի վարած Mitsubishi մակնիշի 35 AP 647 համարանիշի ավտոմեքենաները, իսկ վերջինա մեքենայի հետևի մասով վրաերթի է ենթարկել 2 հետիոտնի:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Mitsubishi-ի վարորդ Ա. Հայրապետյանը և BYD տաքսիի մեկ ուղևոր տեղափոխվել են Թիվ 1 համալսարանական հիվանդանոց, իսկ վրաերթի ենթարկված երկու հետիոտնը «Արմենիա» բժշկական կենտրոն:

Փաստի առթիվ նյութեր են նախապատրաստվում: Ոստիկանությունն ու ՃՈ հետաքննչական բաժանմունքը պարզում են վիրավորների ինքնությունը։