Լատվիայում ավտոմեքենայի վարորդը նկարահանել է օձին, որը դիմապակու դիմաց նստած էր ավտոմեքենայի ծածկի վրա: Այսպես որոշ ժամանակ անցնելուց հետո նա սողացել է ծածկի տակ, փոխանցում է Delfi-ն:
Հոլովակի հեղինակի խոսքով՝ այս ամենը նկարահանվել է Մանգալսալա-Մերսրագս-Իլգյուցիեմս երթուղում: Կինը Մանգալսալայից Մերսրագսի ամառանոց էր ուղեւորվում, սակայն օձին տեսնելով իր ծրագրերը փոխել է եւ մտել Իլգյուցիեմսի հրշեջ կայան, որտեղ օգնություն է խնդրել: Հրշեջներին, սակայն, չի հաջողվել օձին հանել:
Երբ մեկ օր հետո սողունը կրկին դուրս է եկել, ավտոմեքենայի տիրուհին սեփական ուժերով եւ փայտի օգնությամբ օձին գետնին է գցել: Դրանից հետո օձը հեռացել է թփերի մեջ:
