ԱՄՆ կոնգրեսական Բրեդ Շերմանը շարունակում է ջանքեր գործադրել՝ Հայաստանի եւ ԱՄՆ-ի միջեւ կրկնակի հարկումը բացառելու մասին համաձայնագրին հասնելու համար:
Ամերիկայի Հայ դատի հանձնախմբի (ANCA) ներկայացուցիչները հանդիպել են կոնգրեսականի հետ՝ հետագա քայլերի շուրջ խորհրդակցելու, որոնք անհրաժեշտ է ձեռնարկել՝ բանակցություններ սկսելու համար:
Հանձնախմբի անդամ Աիդա Դիմեջյանի խոսքով՝ ANCA-ն շարունակում է աշխատել ԱՄՆ գանձապետարանի, Կոնգրեսի եւ պաշտոնական Երեւանի համապատասխան պաշտոնյաների հետ, եւ հույս ունի հաջորդ տարի զգալի առաջընթաց գրանցել այս հարցում:
