Ուկրաինայի Ազգային բանկը շրջանառության մեջ է դրել «Հովհաննես Այվազովսկի» հուշադրամը:
Դրամահավաքների հավաքածուն կհամալրվի հուշադրամով, որը թողարկվել է ականավոր ծովանկարիչ Հովհաննես Այվազովսկու 200-ամյա տարեդարձի առիթով
Ինչպես հաղորդվում է բանկի կայքում, մետաղադրամը թողարկվել է «Ուկրաինայի ականավոր անհատները» շարքում եւ շրջանառության մեջ է մտցվել 35,000 օրինակ տպաքանակով:
«Մեծ նկարչի ծննդյան 200-ամյակին նվիրված հուշադրամի եւ նամականիշի թողարկումը համաշխարհային գեղանկարչության գանձարանում Իվան Այվազովսկու ավանդի պետական ճանաչման ակնհայտ վկայությունն է եւ ընդգծված արտահայտում է հայկական ու ուկրաինական մշակույթների փոխադարձ հարստացման ֆենոմենը»,-AnalitikaUA.net-ում նշել է ուկրաինացի տեսաբան, պատմաբան, Ուկրաինայի զինանիշագիտության միության անդամ Մաքսիմ Ցարենկոն:
Արդեն հաղորդվել է, որ երկրի շրջաններում Հովհաննես Այվազովսկու 200-ամյակին նվիրված միջոցառումները մեկնարկել են Նիկոլաեւում ցուցահանդեսների շարքով, որտեղ մի քանի միջոցառումներ են անցկացվել ի պատիվ հայտնի ծովանկարչի:
Հայտնի նկարչի աշխատանքների ցուցահանդես է կազմակերպվել նաեւ Կիեւի պատկերասրահի Ազգային թանգարանում:
