Միջազգային կառույցները հասցեական հայտարարություններ չեն անում Ադրբեջանի իրագործած հանցագործությունների կապակցությամբ: Հուլիսի 25-ին «Ի՞նչ սպասել ապրիլյան պատերազմի ժամանակ Ադրբեջանի հանցագործությունների մասին միջազգային տեղեկացվածությունից եւ ՄԻԵԴ ներկայացված հայցերի քննությունից» թեմայով քննարկման ժամանակ այս մասին հայտարարեց Հայաստանի մարդու իրավունքների պաշտպան Արման Թաթոյանը:
Նրա խոսքով՝ Ադրբեջանը խաղաղ բնակչությանը թիրախի է վերածում: «Մենք պետք է միջազգային հանրությանը ճիշտ ներկայացնենք ղարաբաղյան հակամարտության էությունը, ոչ միայն Լեռնային Ղարաբաղի, այլեւ Հայաստանի սահմանամերձ գյուղերի գնդակոծությունները: Ադրբեջանը շատ հստակ թիրախ է դարձնում քաղաքացիական բնակչությանը: Եվ միջազգային որեւէ կառույց չի կարող հայկական կողմին մեղադրել հարցը քաղաքականացնելու մեջ»,- ընդգծեց Թաթոյանը:
