Ադրբեջանական բանակի հրետանին տեղակայված է նրանց բնակավայրերի տարածքներում: Հուլիսի 25-ին լրագրողների հետ հանդիպմանն այս մասին հայտարարեց Հայաստանում Արցախի մշտական ներկայացուցչության խորհրդական Գառնիկ Իսագուլյանը:
Միաժամանակ, ըստ Իսագուլյանի, երկու դեպքերում հրետանի է նկատվել դպրոցների անմիջական հարեւանությամբ:
«Հավանաբար դա է պատճառը, որ նրանք արագ լռեցին: Սկզբում, իհարկե, աղմուկ բարձրացրեցին: Բայց երբ հայկական կողմը ցույց տվեց, թե ադրբեջանցիները որտեղ են տեղակայում իրենց հրետանին, պարզ դարձավ, որ նրանք, փաստորեն, թաքնվում են իրենց խաղաղ բնակչության թիկունքում»,- ընդգծեց փորձագետը:
