Ղրղզստանում բազմականությունը օրենքով թույլատրելու գաղափարին աջակցել է քաղաքացիների ավելի քան 20 տոկոսը, երեքշաբթի փոխանցել է «Sputnik Ղրղզստանը»՝ վկայակոչելով հարցման արդյունքները, որն ացկացրել է «Կոալիցիա հանուն ժողովրդավարության եւ քաղաքացիական հասարակության» հասարակական կազմակերպությունը:
Գործակալության տեղեկություններով՝ ՀԿ-ն հարցումն անցկացրել է Բիշքեկում, Օշում եւ երկրի 7 մարզերում 18 տարեկանից մեծ 738 մարդու շրջանում: Հարցումն անցկացվել է հուլիսի 5-ից 12-ը: Հարցաշարում 9 հարց է եղել ժողովրդագրության եւ 11 հարց բազմակնության վերաբերյալ:
«Կրոնական գործիչների գաղափարին՝ Ղրղզստանում բազմակնությունը օրենքով թույլ տալու մասին աջակցել է քաղաքացիների 21,7 տոկոսը: Այսպիսին են հարցման արդյունքները»,- նշված է հաղորդագրության մեջ:
Այս գաղափարին դեմ է հարցվածքների 67,5 տոկոսը:
Կազմակերպությունը ուշադրություն է դարձրել, որ որոշ պատասխանողներ աջակցել են մի քանի ամուսին ունենալու գաղափարին: ՀԿ-ի տվյալներով՝ բազմամուսնությանն աջակցող տղամարդիկ ավելի մեծաթիվ են, քան կանայք: