ԱՄՆ Յուտա նահանգում ծնողները երկու ամիս շարունակ իրենց նորածին դստերը հերոին են ներարկել։ 26-ամյա մայրը Լեյսի Դոն Քրիստենսոնը համարոմ էր, որ այդ ձեւով պաշտպանում է տառապանքներից իր դստերը, որն արդեն թմրադեղերի հանդեպ կախումով է ծնվել։
Ճշգրտում են, որ հերոինի առաջին չափաբաժինը երեխան ստացել է դեռ ծննդատանը՝ հիվանդանոցի աշխատակիցների բացակայությամբ։
Աղջկա մայրը, ինչպես նաեւ հայրը՝ 29-ամյա Քոլբի Ուայլդը, արդեն երկար ժամանակ թմրամոլներ են։ Հղիության ընթացքում Քրիսթենսը շարունակել է արգելված նյութեր ընդունել, դրա համար էլ երեխան արդեն կախումով է ծնվել։
Սկանդալային պատմության մասին հայտնի է դարձել այն բանից հետո, երբ ոստիկանները ձերբակալել են զույգին՝ սուպերմարկետը թալանելու փորձի ժամանակ։ Նրանց տանը խուզարկության ժամանակ մեծ քանակության թմրադեղեր են հայտնաբերել։
Հայտնի է, որ զույգը եւս երկու երեխա ունի՝ 2 ու 8 տարեկան։ Նրանց արյան մեջ քննիչները գտել են մետամֆետամինի հետքեր։