Ադրբեջանը ռազմական հանցագործություններ է կատարում՝ կիրառելով սպառազինության արգելված զինատեսակներ: Այս մասին հուլիսի 25-ին հայտարարեց Հայաստանի առաջին օմբուդսմեն, «Ընդդեմ իրավական կամայականության» ՀԿ նախագահ Լարիսա Ալավերդյանը՝ ելույթ ունենալով «Ի՞նչ սպասել ապրիլյան պատերազմի ընթացքում Ադրբեջանի հանցագործությունների մասին միջազգային իրազեկվածությունից եւ ՄԻԵԴ ներկայացված հայցերի դատավարությունից» թեմայով քննարկման ժամանակ:
Նրա խոսքով՝ Լեռնային Ղարաբաղի հայության կյանքը սպառնալիքի ներքո է, քանի որ Ադրբեջանին զսպող գործոն չկա: Հայկական կողմերի կատարած աշխատանքը, ըստ Լարիսա Ալավերդյանի, ցավոք, դեռեւս անբավարար է Ադրբեջանի բարբարոս քաղաքականությունը զսպելու համար:
