Նորաձեւ հագուստի ու պայուսակների Michael Kors Holdings արտադրողը ձեռք է բերել բրիտանական էլիտար Jimmy Choo կոշիկի ապրանքանիշը։ Գործարքի արժեքը գնահատվում է 1․1 մլրդ դոլար, հայտնում է BBC-ն։
Jimmy Choo հայտնել է գնորդ որոնելու մասին այս տարվա ապրիլին։ Վերջին տարիներին ընկերության վաճառքի ցուցանիշները նվազել են։
Ըստ գործարքի պայմանների, բրիտանական ապրանքանիշը կդառնա Michael Kors-ի ստորաբաժանումը։ «Մեզ դուր է գալիս Jimmy Choo-ի դիզայնների գլամուրային ոճը ու այն, թե ինչպես են նրանք թրենդ ստեղծում։ Մենք սպասում ենք, թե երբ է Jimmy Choo-ն միանալու մեր էլիտար խմբին»,- ասել է Michael Kors Holdings-ի հիմնադիր ու սեփականատեր Մայքլ Քորսը։
Michael Kors-ի հայտարարության մեջ ասվում է, որ ընկերությունների ձուլումը պետք է որ զգալիորեն բարձրացնի Jimmy Choo-ի վաճառքը, նաեւ ընդլայնի ընկերության ապրանքների տեսականին։
Ընկերությունը նաեւ հույս ունի ընդլայնել տղամարդկանց կոշիկների մոդելների քանակը, համաշխարհային՝ առաջին հերթին ասիական շուկաներ ավելի ակտիվ դուրս գալու համար։
Jimmy Choo-ն ամբողջ աշխարհում 150 խանութ ունի։