Երեւանում, այսօր հուլիսի 25-ին, խոշոր ավտովթար է տեղի ունեցել. ժամը 18:00-ի սահմաններում BYD մակնիշի 29 ՏՕ 526 համարանիշի ավտոմեքենայի վարորդը Շիրազի փողոցում «Վի-Էլ-Վի» էլեկտրատեխնիկայի խանութի հարեւանությամբ դուրս է եկել ճանապարհի երթեւեկելի գոտուց, հայտնվել կանաչ խոտածածկի վրա, առաջ ընթացել եւ կողաշրջվելով հայտնվել բետոնե սալիկների վրա:

Shamshyan.com-ի փոխանցմամբ, 39-ամյա վարորդ Սեւակ Մ.-ն խանութ սրահի աշխատակիցների եւ քաղաքացիների օգնությամբ դուրս է բերվել ավտոմեքենայից եւ տաքսու վարորդի օգնությամբ տեղափոխվել է «Արմենիա» բժշկական կենտրոն:

Բախման հետեւանքով կոտրվել են ավտոմեքենայի ձախ առաջին եւ հետեւի անվահեծանները: