Իսլամական հեղափոխության պահակների կորպուսը հայտնել է, որ Պարսից ծոցում ամերիկյան նավի կողմից սադրանքը ձախողվել է, փոխանցում է PressTV-ն։
«Այս առավոտյան ԱՄՆ ՌԾՈւ-երի նավը Պարսից ծոցում մոտեցել է ԻՀՊԿ-ի նավին, որը հերթապահում էր միջազգային ջրերում ու երկու կրակոց է արձակել օդ՝ սադրելու ու վախեցնելու նպատակով»,- ասվում է ԻՀՊԿ-ի հայտարարության մեջ։
Նշում են, որ ԻՀՊԿ-ի նավն ուշադրություն չի դարձրել այդ «սադրիչ ու ոչ պրոֆեսիոնալ գործողություններին» ու շարունակել է հերթապահությունը։
Ավելի վաղ ամերիկյան լրատվամիջոցները հայտնել էին, որ ԱՄՆ ՌԾՈՒ-երի նավը նախազգուշական կրակոցներ է արձակել իրանական նավի ուղղությամբ, որը մոտեցել էր ամերիկյան նավին՝ 137 մ հեռավորության վրա ու չէր արձագանքում նախազգուշացւոմներին։