ՀՀ ֆինանսների նախարար Վարդան Արամյանը հուլիսի 25-ին, ընդունել է ՄԱԶԾ քաղաքականության եւ ծրագրերի աջակցության գրասենյակի Կայուն զարգացման նպատակների ինտեգրման, խթանման եւ քաղաքականության մշակման աջակցության բարձրաստիճան պատվիրակությանը:
ՀՀ ֆինանսների նախարարությունից NEWS.am-ին հայտնում են, որ պատվիրակության այցի նպատակն է ծանոթանալ ՀՀ կողմից ՄԱԿ-ի կայուն զարգացման նպատակների (ԿԶՆ) ազգայնացման գործընթացին, ինչպես նաեւ աջակցել ԿԶՆ-ների իրականացման ճանապարհային քարտեզի եւ բարեփոխումների օրակարգում ընդգրկված համապատասխան ռազմավարական փաստաթղթերի մշակմանը:
Հանդիպման ընթացքում քննարկվել են, մասնավորապես, ԿԶՆ-ների իրականացմանն ուղղված բյուջետային միջոցների հատկացմանը, նոր միջոցների մոբիլիզացմանը, պետական ֆինանսների թափանցիկությունն ու արդյունավետությունն ապահովող միջոցառումներին, ծրագրային բյուջետավորմանն առնչվող մի շարք հարցեր:
