Ֆրանսիայի Մոն դե Մարսան քաղաքի քաղաքապետ Շառլ Դեյուն հրապարակայնորեն առնետ է կերել, հայտնում է SudOuest.fr-ն: Հոլովակը հրապարակվել է պարբերականի Facebook-ի էջում:

Քաղաքապետը կատարել է 2017 թվականի գարնանը տված խոստումը: Այդ ժամանակ Չեմպիոնների լիգայի 1/8-րդ եզրափակիչում «Բարսելոնա»-ի դեմ խաղում ՊՍԺ-ի 4:0 հաշվով հաղթանակից հետո նա հայտարարել էր, որ առնետ կուտի, եթե իսպանական ակումբը քառորդ եզրափակիչ անցնի: Պատասխան խաղում «Բարսելոնա»-ն հաղթել էր 6:1 հաշվով եւ ֆրանսիացիներից առաջ անցել երկու հանդիպումների հանրագումարով (6:5):