2017 թվականի սկզբից Հայաստանի պտուղ-բանջարեղենային կոմբինատները 70 տոկոսով ավելի շատ բերք են գնել։ Այս մասին հուլիսի 26-ին լրագրողների հետ հանդիպման ժամանակ ասաց ՀՀ գյուղատնտեսության փոխնախարար Ռոբերտ Մակարյանը։ 

Նրա խոսքով՝ գործարաններն ընդհանուր առմամբ 10.5 հազար տոննա միրգ ու բանջարեղեն են գնել, որից 1.3 հազար տոննան՝ բանջարեղեն, 3 հազար տոննան՝ ծիրան, մնացյալ գումարով՝ այլ մրգեր։ Անցյալ տարի գնել են 7.1 հազար տոննա։

Իսկ օգոստոսից նախարարությունը կսկսի արտոնյալ վարկեր տրամադրել բերք գնելու համար՝ տարեկան 3 տոկոսադրույքով։ Նպատակն է օգնել գնել բերքը եւ տեղում վճարել ֆերմերներին՝ չստիպելով նրանց ամիսներով սպասել (երբեմն՝ մեկ տարուց ավելի)։ Վարկի գումարները կտրվեն ոչ թե գործարանին, այլ ֆերմերին։ Նախարարությունը ցանկանում է մինչեւ 2.5 մլրդ դրամի նման վարկեր տրամադրել (շուրջ 5 մլն դոլար)։