2017 թվականին Հայաստանից ծիրանի արտահանումը ռեկորդային է վերջին 7 տարիների ընթացքում։ Այս մասին հուլիսի 26-ին լրագրողների հետ հանդիպման ժամանակ ասաց ՀՀ գյուղատնտեսության փոխնախարար Ռոբերտ Մակարյանը։

Նրա խոսքով՝ ամռան սկզբից 26 հազար տոննա ծիրան է արտահանվել։ Եվ չնայած ծիրանի սեզոնը գրեթե ավարտվել է (բացի որոշ տեսակներից), արտահանումը շարունակվում է սառնարանային տնտեսությունների շնորհիվ։

Կրկնակի ավելացել է ելակի արտահանումը՝ հասնելով 2.5 հազար տոննայի, եռակի՝ կարտոֆիլինը՝ հասնելով 5.4 հազար տոննայի։ Իսկ տարեսկզբից թարմ ու սառեցված մրգերի ու բանջարեղենի արտահանումը կազմել է 65 հազար տոննա։ Ինչպես միշտ՝ արտահանման հիմնական շուկան Ռուսաստանն է (62 հազար տոննա)։