Առաջիկա հանգստյան օրերին Երեւանում գյուղատնտեսական երկրորդ տոնավաճառը կբացվի։ Այս մասին հուլիսի 26-ին լրագրողների հետ հանդիպման ժամանակ ասաց ՀՀ գյուղատնտեսության փոխնախարար Ռոբերտ Մակարյանը։
Առաջին տոնավաճառը՝ Կասյան փողոցի եւ Կոմիտասի պողոտայի խաչմերուկում, գործում է հունիսի 10-ից։ Երկրորդը կբացվի Մաշտոցի պողոտայի եւ Սարյանի փողոցի միջեւ։
«Առաջին տարին չէ, որ դրանք բացվում են մրգերի ու բանջարեղենի սեզոնին եւ սիրվել են երեւանցիների կողմից։ Նրանք աշխատում են հանգստյան օրերին, իսկ բերքը վաճառում են ֆերմերները, որոնք այն աճեցրել են։ Մենք նրանց անվճար տեղեր ենք հատկացնում, սակայն տեղում ստուգում ենք գյուղական վարչակազմերի տեղեկանքները։ Այդպես մենք հասկանում ենք, որ նրանք հենց ֆերմերներ են»,- նշեց փոխնախարարը։