Անցած օրերին Խաղաղ օվկիանոսում՝ Մեքսիկայի ափերի մոտ Հիլարի մրրիկն է սկսվել, հայտնում է «Ֆոբոս» օդերեւութաբական կենտրոնը:
Մրրիկն ուժգնացել է մինչեւ երկրորդ կարգ եւ հյուսիս է շարժվում՝ սպառնալով ԱՄՆ-ի ափերին: Աղետի հարվածի ներքո կարող են հայտնվել Քալիֆորնիա, Արիզոնա, Նեւադա եւ Այդահո նահանգները:
Մրրիկի ներսում քամու արագությունը հասնում է ժամում 150 կիլոմետրի՝ մինչեւ 195 կմ/ ժամ ուժգնացմամբ: Վերջին տեղեկություններով՝ Հիլարին Մեքսիկայի ափերից գրեթե 800 կմ հեռավորության վրա է՝ առաջացնելով մինչեւ 3,5 մետր բարձրությամբ ալիքներ:
Նշվում է, որ փոթորիկը մրրիկ է դառնում, երբ քամու արագությունը գերազանցում է ժամում 119 կիլոմետրից:
