Հայաստանի ֆերմերները կարող են մրգերի համար տեղական չորանոցներ ձեռք բերել պետական «ՓՄՁ ներդրումներ» վարկային կազմակերպության միջոցով։ Կազմակերպությունը համագործակցության պայմանագիր է ստորագրել չորանոցների արտադրող «Սուրեն-Անի» ընկերության հետ, հուլիսի 26-ին, ՀՀ գյուղնախարարությունում։
Միջին հզորության էլեկտրական չորանոցներ գնելու համար (մի քանի հարյուր կիլոգրամից մինչեւ 1 տոննա) վարկեր կտրամադրվեն հայկական դրամներով՝ տարեկան 12 տոկոսադրույքով, 1 տարի երաշխիքային սպասարկմամբ։ Չորանոցներն արժեն 3-5 մլն դրամ։