Լոռու մարզի Արդվի գյուղի բնակիչներն այսօր առավոտից մեքենաներով փակել են գյուղ մտնող ճանապարհը։

Նրանք ասում են, այսօր Արդվիում նախատեսված են հանրային քննարկումներ՝ գյուղում հանքի շահագործման համար երկրաբանահետազոտական աշխատանքներ իրականացնելու մասին, և նշում են, որ թույլ չեն տալու հանրային քննարկման մասնակիցներին գյուղ մտնել, հաղորդում է «Ազատությունը»:

Այս պահին Արդվիում են բնապահպաններ, ընդդիմադիր «Ելք» խմբակցության պատգամավորներ, իսկ բնապահպանության նախարարության ներկայացուցիչներին գյուղացիները թույլ չեն տալիս գյուղ մտնել։

Ճանապարհը բացելու ոստիկանների պնդումներին գյուղացիները չեն ենթարկվում։