Չինական fashion-բլոգեր Բեկի Լին օգնել է MINI ընկերությանը վաճառել 100 հատուկ երեքդռնանի հեչբեկներ՝ WeChat մեսենջերում հաղորդագրությունների միջոցով: Այդ մեքենաները վաճառելու համար նրան անհրաժեշտ է եղել ընդամենը 4 րոպե, հաղորդում է Motor-ը:
MINI ընկերությունը երեքդռնանի, սեւ անիվներով եւ թափքով հեչբեկի հատուկ տարբերակ է մշակել: մեքենաները երկնագույն են: Ընդհանուր առմամբ, 300 նման մեքենա է թողարկվել, որի 1/3 մասը նախատեսված է չինական շուկայի համար:
Յուրաքանչյուր նման մեքենայի գինը կազմում է 285 000 յուան: Մեսենջերում Բեկի Լիին հետեւողները (3 մլն մարդ) մեքենան ամրագրելու առաջնահերթություն են ունեցել:
Մեքենաների վաճառքի մասին գրառումը կատարվել է ժամը 09.00-ին, որից 4 րոպե անց բոլոր մեքենաները ամրագրվել են, իսկ եւս 50 րոպե անց վճարումները կատարվել են: