News
Լրահոս
News
Ուրբաթ
Մարտ 29
Տեսնել լրահոսը

Տավուշի մարզի Չինարի գյուղում, հուլիսի 20-ին, Ադրբեջանի զինուժի կողմից գնդակոծության ժամանակ եղել են «Հայկական Կարմիր Խաչ» ընկերության աշխատակիցներ. նրանք առաջին օգնության ցուցաբերման հետ կապված ինչ-որ դասընթացներ անցկացնելիս են եղել գյուղի մանկապարտեզում, երբ սկսվել են կրակոցները:

Մեր տեղեկություններով, մանկապարտեզի ինտենսիվ գնդակոծությունից պաշտպանվելու համար «Հայկական Կարմիր Խաչ» ընկերության աշխատակիցները պատսպարվել են շենքում եւ միայն երեկոյան են կարողացել վերադառնալ Բերդ՝ այդպիսով ակամա դառնալով գյուղի գնդակոծման ականատեսը:

NEWS.am-ը ՀՀ գլխավոր դատախազությունից փորձեց ճշտել՝ արդյոք հարուցված քրեական գործերի շրջանակում ստուգվե՞լ է «Հայկական Կարմիր Խաչ» ընկերության աշխատակիցների՝ գյուղում գտնվելու փաստը, եւ արդյոք նրանցից դեպքի մասին բացատրություններ վերցվե՞լ են:

ՀՀ գլխավոր դատախազի խորհրդական Գոռ Աբրահամյանը մեզ հետ զրույցում հաստատեց որ այդ օրը «Հայկական Կարմիր Խաչ» ընկերության աշխատակիցները գտնվել են Չինարիում, եւ հարուցված քրեական գործերից մեկի շրջանակում տվել են ցուցմունքներ: Սակայն նա հրաժարվեց մանրամասներ հայտնել՝ նշելով, որ դրանք քննությամբ ձեռք բերված տվյալներ լինելով հանդիսանում են նախաքննական գաղտնիք եւ այս փուլում հրապարակման ենթակա չեն:   

Հիշեցնենք, որ հուլիսի 20-ին Տավուշի մարզի Չինարի գյուղի ուղղությամբ տեղակայված ադրբեջանական մարտական հենակետերից գյուղի ուղղությամբ արձակվել էին կրակոցներ՝ որի հետեւանքով վնասվել էր մանկապարտեզը, ոչնչացվել էր գյուղացիներին պատկանող գույքը: Հասցված վնասը կազմում է մոտ 12մլն դրամ։

Չինարի գյուղի գնդակոծման, մանկապարտեզի, գյուղացիների գույքը ոչնչացնելու, վնասելու, անչափահասին սպանելու փորձ կատարելու դեպքերի առթիվ քրեական գործեր են հարուցվել, որոնց շրջանակում իրականացվում են քննչական գործողություններ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ