Հայաստանում արդեն 109 արեւային կայաններ կան։ Այս մասին հուլիսի 26-ին լրագրողների հետ հանդիպման ժամանակ հայտարարեց ՀՀ էներգետիկ ենթակառույցների ու բնական ռեսուրսների փոխնախարար Հայկ Հարությունյանը։

Նրա խոսքով՝ դրանք մեծ չեն, չնայած արդեն կոմերցիոնների կառուցման հայտեր են ներկայացվել։ Բայց նույնիսկ այդ ոչ մեծ կայաններում 1 մեգավատտ հզորություն է կուտակվել։

«Շուկան մշտապես ընդլայնվում է։ Վերջերս հանրապետությունում բացվեց արեւային պանելների առաջին արտադրությունը, նման հնարավորությունը քննարկում են նաեւ մյուս ընկերությունները»,-նշեց փոխնախարարը։

Կայծքարային ֆոտոտարրերը տեղում չեն արտադրվում (դրանց մեծ մասն ամբողջ աշխարհին մատակարարում են Չինաստանն ու Թայվանը)։ Բայց այստեղ իրականցվում է պատրաստի պանելների լամինացումը։