ԱՄՆ նախագահ Դոնալդ Թրամփը հայտնել է, որ մարդիկ, ովքեր փոխել են իրենց սեռը, այնուամենայնիվ չեն կարող ծառայել ամերիկյան բանակում՝ նրանց բուժսպասարկման հետ կապված բարձր ծախսերի հետ կապված, հայտնում է ՌԻԱ Նովոստին։
Նա հայտնել է, որ նման որոշում է կայացրել բանակի հրամանատարության ու ռազմական փորձագետների հետ խորհրդակցություններից հետո։
«ԱՄՆ կառավարությունը տրանսսեքսուալներին չի ընդունելու բանակային ծառայության ոչ մի պաշտոնում։ Մեր բանակը պետք է կենտրոնանա կործանարար հաղթանակների վրա ու չի կարող կապակցված լինել հսկայական բժշկական ծախսերի ու խառնաշփոթի հետ, որով կարող է հղի լինել տրանսսեքսուալների ռազմական ծառայությունը»,- գրել է Թրամփը իր թվիթերում։
ԱՄՆ բանակում տրանսգենդերներին ծառայության ընդունելու արգելքը չեղարկելու մասին որոշումը ընդունվել էր ԱՄՆ նախորդ նախագահ Բարաք Օբամայի օրոք։ ԱՄՆ պնախարար Ջեյմս Մեթթիսը հուլիսի 1-ին հաստատել է արգելքի չեղարկման ժամկետի վեցամսյա հետաձգումը։ Այս հարցով որոշումը հետաձգվել է մինչեւ հունվարի 1-ը։