Գերմանացի քարոզիչ- սալաֆիտ ու «Վուպերտալի շարիաթի ոստիկանության» հիմնադիր Սվեն Լաուն դատապարտվել է 5․5 տարվա ազատազրկման՝ Ջեյշ ալ Մուխաջիրան վալ Անսար ահաբեկչական կազմակերպությանն աջակցելու համար։ Այս կազմակերպության մասերը հավատարմության երդում են տվել «Իսլամական պետությանը»։ 36-ամյա նախկին հրշեջ աշխատակիցը Գերմանիայոմ իսլամի արմատական հոսանքների ամենահայտնի ներկայացուցիչներից մեկն է, հայտնում է DW.-ը։
Դատախազությունը պահանջել է նրա համար 6․5 տարվա ազատազրկում։ Քննության վարկածով, նա աջակցել է ջիհադը Սիրիայում, գործելով հումանիտար կազմակերպության քողարկման տակ, ու մասնավորապես զինյալներին մատակարարել է գիշերային տեսանելիության սարքեր։ Լաուն նաեւ ակտիվ հավաքագրող է եղել։ Նա ձերբակալվել է 2015-ի դեկտեմբերին, իսկ նրա գործով դատավարությունը արդեն գրեթե մեկ տարի շարունակվում է։
Գերմանացի Սվեն Լաուն, որն ընդւոնել է իսլամ, անվանափոխվել է Աբու Ադամի։ Գերմանիայի իրավապահ մարմինների տեսադաշտում նա հայտնվել էր այն բանից հետո, երբ դարձել է «շարիաթի ոստիկանության» ստեղծման նախաձեռնողներից մեկը։ 2014-ին ավելի քան տասնյակ երիտասարդ սալաֆիտներ նարնջագույն ժիլետներով դուրս են եկել Վուպերտալի փողոցներ, թուրքական դիսկոտեկների, սրճարանների ու խաղատների մոտ կանգնեցնելով երիտասարդներին ու նրանց կոչ անելով հրաժարվել ոգելից խմիչքից ու ազարտային խաղերից։