Նիգերիայում «Բոկո Հարամ»-ի գրոհայինները հարձակվել են հսկիչի վրա՝ սպանելով 10 մարդու եւ առեւանգելով եւս մի քանիսին, հայտնում է AP-ն:
Հարձակումը տեղի է ունեցել Նիգերիայի Ազգային նավթային կորպորացիայի հայտարարությունից մի քանի շաբաթ անց՝ կապված Չադ լճի շուրջ նավթի հետախուզումները վերսկսելու հետ զինծառայողների հավաստիացումներից հետո, թե այս շրջանում անվտանգությունը բարելավվել է: Նիգերիայի զինված ուժերը եւ Բորնո նահանգի ինքնապաշտպանության խմբերը ապահովել են նավթագործների անվտանգությունը:
Հարձակման հետեւանքով զինծառայողներ եւ խաղաղ բնակիչներ են զոհվել: Նավթային ընկերության բոլոր աշխատակիցներին փրկել են:
Բանակի ներկայացուցչի խոսքով՝ առեւանգվածներին փրկելու գործողության ընթացքում մի քանի ահաբեկիչներ են սպանվել, գրավել են նաեւ մեքենաներ, մեծ քանակությամբ զինամթերք, տարբեր դեղամիջոցներ եւ պայթուցիկ սարքեր պատրաստելու նյութեր: