2017 թվականի երկրորդ եռամսյակում Facebook-ի զուտ շահույթն անցյալ տարվա նույն ժամանակաշրջանի համեմատ ավելացել է 71 տոկոսով՝ հասնելով մինչեւ 3.9 մլրդ դոլարի։ Նույն ցուցանիշն առաջին կիսամյակում կազմել է շուրջ 2.3 մլրդ դոլար։ Այս մասին հուլիսի 26-ին հայտարարել է ամերիկյան կորպորացիայի ղեկավար Մարկ Ցուկերբերգը, փոխանցում է DW-ն։
Ընկերության շրջանառությունն ավելացել է 45 տոկոսով՝ հասնելով 9.3 մլրդ դոլարի։ Այդ գումարի մեծ մասը գովազդից ստացված եկամուտներն են, որոնք ավելացել են 47 տոկոսով՝ հասնելով 9.1 մլրդ դոլարի։
2017 թվականի հունիսի վերջին Facebook սոցկայքի օգտատերերի թիվը հասել է 2.01 մլրդ-ի, ինչը 17 տոկոսով ավելի է, քան մեկ տարի առաջ։ Նրանցից 1.32 մլրդ-ը սոցկայքի իրենց էջերում լինում է ամեն օր։