Կառավարությունը «Տաշիր կապիտալին» թույլ տվեց գրավ դնել «Հայաստանի էլեկտրացանցերի» բաժնետոմսերը՝ խոշոր վարկ ստանալու համար: Համապատասխան որոշումն ընդունվեց կառավարության հուլիսի 27-ի նիստում:
«Էլեկտրացանցերի» սեփականատեր «Տաշիր կապիտալը» գրավ կդնի բաժնետոմսերի 70 տոկոսը (69,9999594 տոկոս), որպեսզի վարկեր ստանա Վերակառուցման եւ զարգացման եվրոպական բանկից եւ Ասիական զարգացման բանկից:
Ինչպես հուլիսի սկզբին հայտնել են «Էլեկտրացանցերից», Ասիական զարգացման բանկի խորհուրդը հաստատել է իրենց 80 մլն դոլար վարկի տրամադրումը: Իրենց նույն ժամանակ եւ նույքան վարկի տրամադրումը հաստատել է նաեւ Վերակառուցման եւ զարգացման եվրոպական բանկը: 80-ական մլն դոլարի այս 2 վարկերը ներգրավվում են 2016-2020 թվականների համար մինչեւ 200 մլն դոլարի ներդրումային ծրագրերն իրականացնելու համար՝ ուղղված բաշխիչ ցանցի աշխատանքի բարելավմանը եւ էներգաարդյունավետության բարձրացմանը:
«Տաշիր կապիտալը» «Տաշիր» ընկերությունների խմբի մասն է, որի սեփականատրն է ռուսաստանցի միլիարդատեր հայազգի Սամվել Կարապետյանը: