Հանրապետության դպրոցներում ժամանակացույցից հետ մնացող բոլոր շինարարական եւ վերանորոգման աշխատանքները հարկավոր է մինչեւ օգոստոսի վերջն ավարտին հասցնել: Հունիսի 27-ին կայացած ՀՀ կառավարության նիստում այս մասին հայտարարեց վարչապետ Կարեն Կարապետյանը:
Նա հավելեց, որ աշխատանքները չկատարելու համար հարկավոր է հստակ պատասխանատվություն սահմանել: «Բացի այդ՝ մինչեւ աշուն հարկավոր է հոգ տանել բարձրլեռնային եւ սահմանամերձ գյուղերի դպրոցներում ուսուցչական կազմի համալրման մասին»,- նշեց վարչապետը:
