Արաբական Միացյալ Էմիրությունների Կենտրոնական բանկը դիմել է իր բանկերին ու ֆինանսական հաստատություններին՝ կոչ անելով դադարել աշխատել Կատարի հետ ենթադրաբար կապ ունեցող 18 ֆիզիկական անձանց եւ ընկերությունների հետ։ Այս մասին հաղորդում է WAM պետական տեղեկատվական գործակալությունը։

ԿԲ-ն կոչ է անում անհապաղ որոնել ու սառեցնել բոլոր բանկային հաշիվները, ներդրումներն ու կանխավճարները, որոնք կապված են սեւ ցուցակում նշված անձանց ու ընկերությունների հետ։

Հուլիսի 25-ին ԱՄԷ-ն, Բահրեյնը, Եգիպտոսն ու Սաուդյան Արաբիան հայտարարել են Եմենից ու Լիբիայից ինը խմբերի եւ արաբական մի քանի երկրներից 9 անձի սեւ ցուցակում ներառելու մասին, որոնք ուղղակի կամ անուղղակի կապված են Կատարի հետ։ Նշված պետությունները Կատարին մեղադրում են ահաբեկչությանն աջակցելու մեջ, Դոհան հերքում է բոլոր մեղադրանքները։