Եվրամիությունը երբեք չի կարողանա մարսել կառույցին Թուրքիայի անդամակցության տնտեսական հետեւանքները։ Այս մասին հայտարարել է Ավստրիայի կանցլեր Քրիստիան Կերնը՝ Frankfurter Allgemeine Zeitung-ին տված հարցազրույցում։
Նրա խոսքով՝ Թուրքիային պարզապես պետք է ասել. «Դուք անդամակցության թեկնածու չեք»։ Նա նշել է, որ Ավստրիան խոսում է ոչ միայն Թուրքիայում ժողովրդավարական իրադրության, այլեւ տնտեսական հետեւանքների մասին։
«Տնտեսական համատեքստում Եվրոպան երբեք չէր կարողանա մարսել Թուրքիայի անդամակցությունը։ Ինչպե՞ս դա պետք է աշխատի»,- նշել է Կերնը։ Նրա կարծիքով՝ «Թուրքիան հատել է գրեթե բոլոր կարմիր գծերն» այնպիսի հարցերում, ինչպիսիք են լրագրողների եւ օրենսդիրների նկատմամբ վերաբերմունքը։