Հնդկաստանում լոլիկի գների կտրուկ աճը վաճառողներին ստիպել է զինված պահակեր վարձել։ BBC-ն, վկայակոչելով հնդկական լրատվամիջոցները, գրում է, որ Հնդկաստանում մեկ կիլոգրամ լոլիկն արժե շուրջ 2 դոլար։
Մադհյա Փրադեշ նահանգում վաճառողներից մեկն ասել է, որ լոլիկների «անվտանգությունը» բախվել է լուրջ սպառնալիքի, հատկապես ապրանքը բեռնելիս։ Այս ամսվա ընթացքում նահանգում գողության մի քանի դեպք է գրանցվել, ուստի առեւտրականները ստիպված են եղել զինված պահակներ վարձել՝ թանկարժեք բանջարեղենը հսկելու համար։
