Առնվազն 6 մարդ է զոհվել Բրազիլիայի կենտրոնական Հոաս նահանգի Ժուսարա քաղաքի բանտում խոռվության ժամանակ։ Եվս մի քանի դատապարտյալներ փախուստի են դիմել։
Անկարգությունները սկսվել են հուլիսի 26-ի երեկոյան, երբ դատապարտյալների խումբը հարձակվել է հսկիչների վրա։ Միաժամանակ մի քանի դատապարտյալներ այրել են իրենց խցերում ներքնակները։ Հրդեհը հանգցնելու համար հրշեջների են կանչել։ Այս մասին հաղորդում է Newsru-ն՝ վկայակոչելով Estadao-ն։
Դատապարտյալների խմբին հաջողվել է զենք գողանալ ու փախուստի դիմել։ Նախնական տվյալներով՝ ազատության մեջ են հայտնվել 8 հանցագործներ։
Նշվում է, որ սպանված դատապարտյալներից մեկը գլխատված է եղել։ Եվս երկու զոհերի մարմիններն այրված են եղել։