Չինաստանի հյուսիս-արեւմտյան Շենսի նահանգում ջրհեղեղի հետեւանքով 6 մարդ է զոհվել, եւս 3-ն անհետ կորած են համարվում, հաղորդում է «Սինհուա»-ն։
Երեքշաբթի երեկոյան հորդառատ անձրեւներ են տեղացել Յույլին քաղաքում։ Դրանց հետեւանքով 58 հազար բնակիչ է տուժել, ավելի քան 71.3 հազար մարդ տարհանվել է։ Բացի այդ՝ վարարել է Ցինշույգոու ջրամբարը, ինչի հետեւանքով խաթարվել է Ցզիչժոու գյուղի ջրամատակարարումը, որտեղ 45 հազար մարդ է բնակվում։
Տարերքից տուժել է ավելի քան 2.2 հազար հեկտար բերք։ Տնտեսական վնասը 34 մլն դոլար է գնահատվում։ Ըստ օդերեւութաբանների՝ անձրեւը կշարունակվի մինչեւ շաբաթ։