Ճապոնացի բժիշկները գրանցել են հրե կարմիր մրջյունի՝ մարդուն կծելու առաջին դեպքը։ Մրջյունների այդ տեսակը համարվում է ամենավտանգավորներից մեկն աշխարհում։ Միջադեպը տեղի է ունեցել Հաքաթա նավահանգստում՝ Քյուսու կղզում, փոխանցում է «ՌԻԱ Նովոստի»-ն։
Հրե կարմիր մրջյունները Հաքաթա նավահանգստում հայտնաբերվել են շուրջ մեկ շաբաթ առաջ։
NHK հեռուստաալիքը հաղորդում է, որ տուժածներից մեկը նավահանգստի աշխատակից է։ Համաձայն նախնական տեղեկության՝ մարդը զգացել է մրջյունի կծելը։ Որոշ ժամանակ անց կծվածքի տեղում ցան է առաջացել, եւ նավահանգստի աշխատակիցը հիվանդանոց է տեղափոխվել։
Բժիշկները հաստատել են, որ մարդուն կծել է հրե կարմիր մրջյունը։ Վերջինի առողջությանը ոչինչ չի սպառնում։ Ճապոնիայում սա առաջին նման դեպքն է։